Skena është gati për “El Clasico”-n e parë të këtij sezoni: Publikohen formacionet zyrtare

Këtë mbrëmje, sytë e botës së futbollit janë drejtuar nga supersfida e xhiros së 10-të në La Liga, ku Barcelona do të presë në shtëpi rivalin e saj të përjetshëm, Real Madridin, në përballjen e parë direkte për këtë edicion. Pavarësisht disa mungesave të rëndësishme në organikë, katalanasit kanë zyrtarizuar tashmë përbërjen me të cilën do të zbresin në fushë për të kërkuar maksimumin nga ky duel klasik. Në krahun tjetër, skuadra e Real Madridit do të paraqitet me disa sfida të dukshme, pasi do t'i duhet të bëjë pa shërbimet e portierit të parë, Thibaut Courtois, si dhe të sulmuesit kyç, Vinicius Junior, të cilët mungojnë për shkak dëmtimesh.