Seria e zezë thellohet, skuadra e Granit Xhakës ngec në shtëpi ndaj Leeds United

Kriza e rezultateve për Sunderlandin duket se nuk ka të ndalur, pasi skuadra ka regjistruar ndeshjen e gjashtë radhazi pa shijuar fitoren në elitën e futbollit anglez. Në takimin e vlefshëm për javën e tetë të Premier League, ekipi i drejtuar nga kapiteni Granit Xhaka nuk ka arritur më shumë se një barazim pa gola, 0:0, para publikut të vet përballë Leeds Unitedit. Pavarësisht angazhimit maksimal në fushë, Xhaka dhe bashkëlojtarët e tij u munduan në çdo mënyrë të thyenin mbrojtjen kundërshtare, por finalizimi mbeti pikë e dobët. Edhe përgjatë minutave të mbetura, vendasit shfaqën dëshirë për të arkëtuar tri pikët dhe për t'i dhënë fund ecurisë negative, mirëpo u mungua saktësia e duhur para portës. Më i diskutuari i takimit ishte momenti i minutës së 76-të, kur sulmuesi i Leeds Unitedit, Dominic Calvert-Lewin, u rrëzua brenda zonës pas një dueli me mbrojtësin vendas, duke kërkuar me ngulm penallti. Pas protestave të shumta nga lojtarët mysafirë, kryesori i ndeshjes vendosi të mos akordojë 11-metërsh, duke vlerësuar se ndërhyrja nuk ishte e palejuar dhe lejoi vazhdimin e lojës. Pas këtij barazimi, Leeds United pozicionohet në vendin e shtatë të renditjes tabelore me 11 pikë të grumbulluara, ndërsa Sunderlandi mbetet në vendin e 20-të, përkatësisht në fund të tabelës, me vetëm 5 pikë në llogarinë e vet.