Beier ngjit Dortmundin në majë, triumf dramatik ndaj Eintracht Frankfurtit

Borussia Dortmundi ka siguruar një fitore tepër të rëndësishme minimale 1:0 përballë Eintracht Frankfurtit, në kuadër të javës së tetë në elitën e futbollit gjerman, Bundesliga. Protagonisti absolut dhe njeriu i ndeshjes u bë Maximilian Beier, i cili realizoi golin e vetëm dhe vendimtar për skuadrën e tij, duke e mbajtur ritmin e lartë në kampionat. Në momentet kur sfida po shkonte drejt përfundimit dhe dukej se skuadrat do të ndanin pikët pa u futur asnjë top në rrjetë, në skenë u shfaq Beier për t'i dhuruar Dortmundit tri pikët e plota. Ishte Jobe Bellingham ai që dhuroi një pasim perfekt për Beier, i cili nuk vonoi të lëshojë një goditje të fuqishme nga brenda zonës. Topi përfundoi në këndin e sipërm të djathtë të portës kundërshtare, duke vulosur fatin e këtij takimi. Pas këtij suksesi, Borussia Dortmundi ngjitet përkohësisht në krye të renditjes tabelare me 17 pikë të grumbulluara, ndërkaq Eintracht Frankfurti mbetet i pozicionuar në vendin e 13-të, duke numëruar 8 pikë në total.