Incident i rëndë në Lezhë/ Berisha publikon videon: Policia i hodhi spraj në sy deputetit Gjin Gjoni, akt hakmarrjeje i Ramës

Kryetari i Partisë Demokratike, Sali Berisha, ka ndarë me publikun pamje filmike nga një ngjarje e tensionuar, ku raportohet se deputeti demokrat Gjin Gjoni është bërë shënjestër e një sulmi nga ana e efektivëve të rendit, të cilët dyshohet se i kanë hedhur sprej lotsjellës në fytyrë. Në reagimin e tij zyrtar, lideri i opozitës e ka përshkruar këtë ngjarje si një veprim kriminal hakmarrjeje ndaj ligjvënësit të opozitës, duke drejtuar gishtin e akuzës drejtpërdrejt te kryeministri Edi Rama për prapaskenat politike të incidentit. “Narkobanditë me uniformë sulmojnë për hakmarrje dhe i hedhin spraj në sy deputetit Gjin Gjoni. Dënoj me forcën më të madhe këtë akt hakmarrës primitiv të Edi Ramës dhe narkobanditëve të tij ndaj deputetit të PD”, ka shkruar kreu i demokratëve Sali Berisha në mesazhin e tij.