Gjuajtje me armë në një gëzim familjar në Batllavë: Policia vë në pranga dy persona dhe sekuestron armatim

Një aheng familjar në fshatin Batllavë të Podujevës është shoqëruar me ndërhyrjen e forcave të rendit, pasi u raportuan të shtëna me armë zjarri gjatë festës. Reagimi i menjëhershëm i efektivëve të Stacionit Policor të Podujevës ka rezultuar në konfiskimin e tri armëve të zjarrit, sasi municioni, si dhe disa gëzhojave të gjetura në vendngjarje. Në lidhje me këtë incident, tre individë janë shoqëruar në ambientet e policisë për t'u marrë në pyetje. Pas përfundimit të procedurave hetimore, dy prej tyre janë ndaluar për 48 orë me vendim të prokurorit, kurse personi i tretë është lënë i lirë.