Bologna merr tri pikë të arta në Sardinia, mposht Cagliarin me dy gola

Bologna ka regjistruar një fitore të rëndësishme jashtë fushe, duke mposhtur Cagliarin me rezultatin e pastër 2:0, në kuadër të xhiros së tetë në elitën e futbollit italian, Serie A. Pasi 45 minutat e para u mbyllën pa ndryshuar rezultati dhe me rrjeta të paprekura, skuadra mysafire e zhbllokoi takimin në minutën e 57-të përmes Nicolo Casales. Për të vulosur triumfin e Bolognas u kujdes Federico Bernardeschi në minutën e 80-të, i cili u tregua i saktë nga pika e bardhë e penalltisë. Falë këtij suksesi, Bologna lë pas Sassuolon në renditjen tabelare, duke u ngjitur në vendin e 13-të me gjithsej tetë pikë të grumbulluara, ndërkohë që Cagliari pëson rënie në pozitat e tetë. Në sfidat e ardhshme që e presin kampionatin, Bologna do të udhëtojë për t'u matur me Milanin, kurse Cagliari do të ketë një tjetër provë të vështirë në udhëtim, duke u përballur me Romën në stadiumin "Olimpico".