Incident i rëndë në protestë: Policia qëllon me plumb gome në bark një qytetar

Një qytetar ka mbetur i plagosur pasi është qëlluar me plumb gome në zonën e barkut, gjatë zhvillimit të një proteste. Sipas dëshmive nga vendi i ngjarjes, i riu ka pësuar dëmtime në pjesën e sipërme të trupit si pasojë e këtij veprimi nga ana e forcave të rendit. Gazetari Osman Stafa ka theksuar se përdorimi i kësaj metode nga policia përbën një veprim të jashtëligjshëm. Ndërhyrja me plumba gome është kryer pavarësisht pranisë së një turme masive qytetarësh, në mesin e të cilëve kishte edhe gra dhe fëmijë. Vetë i riu i lënduar ka rrëfyer se ngjarja ka ndodhur teksa ai ndodhej në bulevard, pranë shtratit të lumit Lana, ku edhe është goditur nga forcat policore.