Kategoria e Parë: Besa merr udhëheqjen, Kukësi triumfon me përmbysje në transfertë

Janë mbyllur katër sfidat e javës së shtatë të Kategorisë së Parë, të cilat kanë sjellë ndryshime të rëndësishme në renditje dhe emocione deri në minutat e fundit. Në duelin kryesor, Besa ka siguruar një fitore të rëndësishme 2-0 ndaj Korabit, rezultat ky që i ka lejuar kavajasit të ngjiten në krye të tabelës. Golat e fitores u shënuan nga Kapo në minutën e 65-të dhe Spahiu në kohën shtesë (90'). Në ndeshjet e tjera të zhvilluara kësaj jave, Kukësi ka arritur një fitore me përmbysje 1-2 në transfertë përballë Burrelit. Edhe pse vendasit kaluan të parët në epërsi me anë të Rrapit në minutën e 13-të, verilindorët reaguan në pjesën e dytë duke përmbysur gjithçka me golat e Demircani (65') dhe Schepanski (71'). Ndërkohë, Iliria ka arkëtuar tri pikë të arta në udhëtim, duke mposhtur Kastriotin me rezultatin minimal 0-1, falë një goli të realizuar nga Mavanga në minutën e fundit të kohës së rregullt (90'). Në sfidën tjetër, Sopoti dhe Oriku janë ndarë në barazim 1-1. Vendasit kaluan në avantazh me Likën në minutën e 52-të, por Oriku barazoi shifrat në të 74-tën me Shkrelin. Më poshtë gjeni pasqyrën e plotë të rezultateve dhe autorëve të golave për secilën prej ndeshjeve të kësaj jave: Besa 2-0 Korabi (Kapo 65', Spahiu 90') Burreli 1-2 Kukësi (Rrapi 13' / Demircani 65', Schepanski 71') Kastrioti 0-1 Iliria (Mavanga 90') Sopoti 1-1 Oriku (Lika 52' / Shkreli 74')