Tensionet në bulevard: Protestuesi i kapur pas mjetit të policisë largohet me forcë nga forcat speciale

Përplasjet e dhunshme mes forcave të rendit dhe protestuesve kanë vazhduar në bulevard, ku situata mbetet tejet e tensionuar. Gjatë protesës, një i ri ka arritur të afrohet deri te autoboti i policisë dhe është kapur pas tij, duke refuzuar të lëvizë pavarësisht ndërhyrjes me ujë me presion dhe gaz lotsjellës. Përballë kësaj situate, efektivët e FNSH-së kanë ndërhyrë menjëherë duke e larguar me forcë protestuesin nga mjeti. Për shkak të ekspozimit ndaj sasisë së madhe të gazit lotsjellës, i riu ka shfaqur probleme shëndetësore më vonë.