Tensionohet situata në bulevard: Mbështetësit e PD-së nisën marshimin nga Kryeministria drejt Ministrisë së Arsimit

Ka nisur zyrtarisht marshimi i qytetarëve dhe mbështetësve të Partisë Demokratike përgjatë bulevardit kryesor “Dëshmorët e Kombit”, të cilët janë nisur nga zona përballë Kryeministrisë me destinacion Ministrinë e Arsimit. Sipas axhendës së paralajmëruar, pikërisht para këtij institucioni, në orën 14:00, është parashikuar të nisë tubimi i të rinjve, ku protestuesit e opozitës kanë shprehur hapur qëllimin për t'u bashkuar me këtë lëvizje studentore. Në orët në vijim pritet të shihet qartë në terren nëse dy grupet e pranishme do të bashkojnë forcat në një protestë të vetme apo nëse do të vazhdojnë tubimet e tyre në mënyrë të pavarur.