Tarifa e Rrugës së Kombit mbetet e pandryshuar, qeveria hedh poshtë zërat për rritje në 8 euro

Ministri i Infrastrukturës dhe Energjisë, Enea Karakaçi, ka reaguar zyrtarisht ndaj lajmeve që kanë qarkulluar së fundmi në rrjetet sociale, të cilat pretendonin se taksa e kalimit në Rrugën e Kombit do të pëunonte një rritje në 8 euro. Ai i ka cilësuar këto aludime si plotësisht të rreme dhe pa asnjë bazë në realitet. Në reagimin e tij, ministri Karakaçi ka theksuar se nuk ekziston asnjë vendim apo plan konkret nga ana e dikasterit që ai drejton për të prekur tarifën ekzistuese. Sipas tij, qytetarët do të vazhdojnë të paguajnë çmimin aktual prej 5 eurosh për çdo kalim, duke shuar kështu çdo paqartësi apo shqetësim të krijuar në opinionin publik gjatë orëve të fundit.