Gati për një rikthim të bujshëm te Milani? Flet ish-legjenda kuqezi

Alessandro Costacurta, dikur një nga shtyllat e mbrojtjes së Milanit, ka shprehur hapur gatishmërinë e tij për t'u ribashkuar me klubin ku kaluar pjesën dërrmuese të karrierës së tij të suksesshme si futbollist. I pyetur nëse do të pranonte një angazhim të ri pranë institucionit ku u shndërrua në një simbol të vërtetë, ish-mbrojtësi u tregua i hapur, megjithëse preferoi të ruajë një qasje të matur dhe pa krijuar iluzione të panevojshme. “Dyert janë të hapura, por nuk besoj se ata po kërkojnë mua”, u shpreh ai gjatë deklaratës së tij. Duke lënë pas një histori të gjatë me fanellën kuqezi, italiani mbetet ndër figurat më të dashura të klubit, ku ka ngritur lart trofe prestigjioze, përfshirë kurora të Serie A dhe trofe të Ligës së Kampionëve. Gjatë viteve të tij të arta në fushë, Costacurta ishte pjesë e pandashme e skuadrave legjendare të drejtuara nga Arrigo Sacchi dhe Fabio Capello, si dhe e epokës së lavdishme nën drejtimin e Carlo Ancelottit.