Bessent: Fushata ekonomike ka gjunjëzuar sektorin e naftës në Iran, terminali kryesor mbetet i zbrazët

Sekretari amerikan i Thesarit, Scott Bessent, ka bërë të ditur të premten se presioni i shtuar ekonomik ndaj Iranit ka arritur të asgjësojë të gjitha burimet kryesore të financimit të këtij vendi përmes naftës. Përmes një postimi në platformën X, Bessent theksoi se flota e fshehtë e anijeve cisternë është reduktuar ndjeshëm, terminali kryesor i eksportit të naftës është tashmë i boshatisur, ndërsa rezervat lundruese në det të hapur kanë shënuar shterim të plotë. Ai gjithashtu shtoi se qytetarët e thjeshtë iranianë po vazhdojnë të vuajnë pasojat e një krize të rëndë ekonomike, pasi udhëheqja e vendit i orienton fondet drejt akteve të dhunës dhe terrorizmit jashtë kufijve, në dëm të mirëqenies së brendshme të popullit. Deri më tani, autoritetet iraniane nuk kanë dhënë ndonjë reagim zyrtar lidhur me këto deklarata. Nisma e njohur si operacioni “Economic Outcast” vlerësohet se i ka shkaktuar goditje të rënda ekonomisë iraniane që prej zbatimit të saj dy muaj më parë, megjithatë analistët vlerësojnë se autoritetet në Teherani vështirë se do të ndryshojnë kursin e tyre negociues si pasojë e këtyre masave.