Debat i ashpër në Kuvend: Përplasje mes deputetit Rrahmani dhe ministrit Murati për pagat e serbëve që nuk paraqiten në punë

Puna e Komisionit për Mbikëqyrjen e Financave Publike është shoqëruar me tensione dhe debate të ashpra verbale mes zyrtarëve të lartë shtetërorë. Në këtë mbledhje, ku po diskutohej raporti i Auditorit të Përgjithshëm, të ftuar ishin ministri i Financave, Hekuran Murati, dhe Auditorja e Përgjithshme, Vlora Spanca. Gjatë diskutimeve, ministri Hekuran Murati dhe deputeti i Partisë Demokratike, Eman Rrahmani, janë përfshirë në një polemikë të hapur. Shkak i këtij konfliktiverbal janë bërë kompensimet financiare dhe pagesat e rregullta që u janë bërë rreth 80 punonjësve serbë, të cilët nuk paraqiten fare në vendet e tyre të punës.