Incident në stërvitje, Bayern Munich zbardh gjendjen shëndetësore të Vincent Kompany

Klubi i njohur gjerman, Bayern Munich, ka lëshuar një deklaratë zyrtare lidhur me gjendjen shëndetësore të trajnerit Vincent Kompany, i cili pësoi një rrëzim gjatë një seance stërvitore të skuadrës rezervë. Përmes njoftimit për media, drejtuesit bavarezë bënë të ditur se strategu belg po kryen analiza të detajuara mjekësore në spital dhe do të mbetet nën vëzhgimin e rreptë të stafit shëndetësor. Ngjarja ka ndodhur në momentin po Kompany po ndiqte nga afër përgatitjet e ekipit të dytë, ku ndërhyrja e mjekëve të pranishëm ishte e menjëhershme për t'i dhënë ndihmën e parë. Max Eberl, anëtar i bordit për sport te gjiganti gjerman, u shpreh se mirëqenia e trajnerit është prioriteti absolut i klubit, duke garantuar se atij do t'i sigurohet i gjithë mbështetja dhe koha e nevojshme për një rikuperim të plotë. Sakaq, deri në një njoftim të dytë nga klubi, stafi ndihmës do të udhëheqë seancat stërvitore dhe angazhimet e skuadrës, ndërsa nga ana e tyre, drejtuesit dhe lojtarët i kanë dërguar urimet më të sinqerta për një shërim sa më të shpejtë.