Trazira dhe pakënaqësi të brendshme përfshijnë dy partitë e mëdha opozitare në prag të zgjedhjeve

Përçarjet dhe tensionet e brendshme kanë shpërthyer sërish brenda dy prej subjekteve kryesore parlamentare në vend, Partisë Demokratike të Kosovës dhe Lidhjes Demokratike të Kosovës, të cilat po përgatiten për garën e ardhshme zgjedhore. Krizës së brendshme në radhët e LDK-së i ka dhënë një dinamikë të re zëri i deputetit të kësaj partie, Arben Gashi, i cili i është bashkuar thirrjes së hapur të kryetarit të Komunës së Prishtinës, Përparim Rama, për dorëheqjen e menjëhershme të kryetarit aktual të partisë, Lumir Abdixhiku.