Lëvizje e bujshme te Parma, shkarkohet trajneri pak ditë para duelit me Interin

Carlos Cuesta është larguar zyrtarisht nga drejtimi i Parmës. Përmes një njoftimi për mediat, drejtuesit e klubit kanë zyrtarizuar ndërprerjen e bashkëpunimit me trajnerin, duke mbyllur kështu aventurën e tij në krye të skuadrës. Në bazë të vendimit të klubit, drejtimin e përkohshëm të ekipit do e marrë stafi teknik ekzistues, i cili do të udhëheqë seancat stërvitore deri në emërimin e kreut të ri të pankinës. Ky vendim i papritur vjen në një periudhë tejet të ndjeshme për skuadrën, e cila më 10 tetor do të zbresë në fushë për t'u përballur me Interin, në kuadër të javës së gjashtë të kampionatit italian Serie A. Ndërkohë, situata e Parmës në tabelën e klasifikimit mbetet komplekse, pasi ekipi pozicionohet në vendin e 15-të, duke grumbulluar vetëm 4 pikë në pesë ndeshjet e para të sezonit.