Arritje historike në Danimarkë: Egnatia thyen tabunë që nuk e kishte prekur as Skënderbeu

Skuadra e Egnatias ka shkruar një faqe të re për futbollin shqiptar, pasi ka barazuar me rezultatin 1-1 në transfertë ndaj Arhus në Danimarkë, duke rrëmbyer kështu një pikë shumë të vlefshme. Ky rezultat përbën një moment historik për klubet shqiptare në arenën ndërkombëtare. Përballë sfidave të kaluara në fazat e grupeve të Ligës së Europës, ekipi i njohur i Skënderbeut nuk kishte arritur kurrë të siguronte pikë jashtë fushe. Ndryshe nga e kaluara, Egnatia, e cila përfaqëson Shqipërinë në Ligën e Konferencës, ka treguar forcë që në ndeshjen e parë jashtë vendit. Kampionët e vendit po kalojnë një formë të shkëlqyer dhe po japin sinjale pozitive në kompeticionin europian. Deri në këtë fazë të garës, dy pikët e grumbulluara nga rgrogozhinasit mbajnë firmën e Ildi Grudës, i cili ka realizuar golat decizivë pikërisht ndaj skuadrave daneze, Midtjilland dhe Arhus. Tashmë, vëmendja e skuadrës është zhvendosur te sfida e radhës. Egnatia do të udhëtojë drejt Rumanisë për të matur forcat me Universita Kraiovas, një ndeshje kjo që është planifikuar të luhet më 5 nëntor, duke filluar nga ora 21:00.