Liga e Kombeve: Edon Zhegrova jashtë formacionit titullar, Franco Foda bën dy ndryshime për sfidën ndaj Austrisë

Pas triumfit të merituar me rezultatin minimal 1-0 kundër Irlandës në stadiumin “Fadil Vokrri”, Përfaqësuesja e Kosovës do të kërkojë sot vazhdimësinë në Vjenë, ku do të matë forcat me Austrinë në takimin e dytë të grupit në Ligën B të Ligës së Kombeve. Krahasuar me sfidën e parë të zhvilluar në kryeqytetin kosovar, selektori Franco Foda ka ndërmarrë dy ndryshime në listën e 11 lojtarëve startues. Në repartin defensiv, Ron Raçi ka marrë vendin e mbrojtësit Albian Hajdari, i cili është i dëmtuar. Ndërkaq, në fazën e sulmit, strategu slloven ka vendosur t'i besojë nga minuta e parë Ermal Krasniqit, duke lënë në bankinë Edon Zhegrovën. Formacioni zyrtar i Austrisë: Zawieschitzky; Veratschnig, Affengruber, Danso, Wober; Schlager, Seiwald; Wimmer, Wanner, Schmid; Adamu. Formacioni zyrtar i Kosovës: Muric; Raçi, Dellova, Krasniqi; Gallapeni, Avdullahu, Hoxha, Vojvoda; Krasniqi, Zabërgja; Muriqi.