As statuti i yllit botëror nuk e mbron nga ligji: Kim Kardashian tregon herët kur është ndaluar nga policia

Aktorja dhe sipërmarrësja e njohur amerikane, Kim Kardashian, ka zbuluar se ka pasur disa përballje me organet e rendit përgjatë drejtimit të mjetit, duke pranuar se është ndaluar në rrugë për shkelje të ndryshme të qarkullimit, nga kapërcimi i shpejtësisë së lejuar e deri te mosrespektimi i shenjës së ndalimit "STOP". Detajet e këtyre ngjarjeve u bënë të ditura gjatë një bashkëbisedimi në qytetin e Los Anxhelosit, ku ajo po merrte pjesë në fushatën promovuese të sezonit të dytë të prodhimit kinematografik “All’s Fair”, së bashku me artistet e njohura Sarah Paulson, Naomi Watts dhe Niecy Nash-Betts. Diskutimi mori këtë rrjedhë pasi Naomi Watts ndau një ëndërr ku ishte gjobitur për shpejtësi, ndërsa Sarah Paulson u shpreh se nuk i kishte ndodhur kurrë të ndalohej nga autoritetet rrugore gjatë gjithë jetës së saj si shoferë. E çuditur nga ky rrëfim, Kardashian e pyeti kolegën e saj me mosbesim, për ta pasuar më pas me rrëfimin e saj personal, ku ylli 46-vjeçar konfirmoi hapur se historitë e saj me policinë rrugore nuk janë aspak të pakta. “Oh, mua më kanë ndaluar kaq shumë herë për shpejtësi të madhe. Ose, për shembull, kaloj te tabela ‘STOP’ pa u ndalur plotësisht”, ka treguar ajo pa hezitim. Pavarësisht statusit të saj si një nga emrat më të lakuar dhe më të famshëm në botën e spektaklit në Shtetet e Bashkuara, kjo nuk e ka penguar policinë që ta trajtojë si çdo qytetar tjetër. Madje, incidentet e saj në timon kanë qenë shpesh pjesë e kronikave mediatike. Më herët, në vitin 2013, ajo u ndëshkua me gjobë për tejkalim shpejtësie në rrugët e Los Anxhelosit teksa po ndiqej nga fotografët e pranishëm. Po ashtu, autoritetet e kanë vënë në shënjestër edhe për shkak të errësimit të xhamave të automjetit të saj. Një rast i ngjashëm u shënua edhe në nëntor të vitit 2024, kur u bë e ditur se ajo ishte ndaluar sërish nga patrurat në Malibu për shkak të filmit mbrojtës të errët në xhamin e parë. Kjo bisedë e nisur nga një ëndërr e thjeshtë mbi gjobat në trafik u shndërrua në një çast plot humor mes artisteve, duke dëshmuar se fama botërore nuk të jep imunitet ndaj rregullave të qarkullimit rrugor.