Pakti Trump-Putin/ Nis nga Rusia drejt Nju Jorkut cisterna me 40 mijë tonë naftë

Një anije transportuese me flamur të Maltës, e ngarkuar me një sasi prej 40,000 tonësh naftë ruse, është duke udhëtuar drejt Nju Jorkut në zbatim të një ujdie të arritur me Presidentin e SHBA-së, Donald Trump. Lajmi konfirmohet nga treguesit më të fundit të Grupit të Bursës së Londrës (LSEG), të bërë publikë këtë të premte. Moska zyrtare u dakordësua për heqjen e pezullimit mbi eksportet e hidrokarbureve, me qëllim furnizimin e tregjeve ndërkombëtare — përfshirë atë amerikan — dhe zbutjen e çmimeve të karburantit në nivel global. Ky hap erdhi pas bisedimeve direkte mes Presidentit rus, Vladimir Putin, dhe udhëheqësit amerikan, Donald Trump. Më herët, të mërkurën, Zëvendëskryeministri i Rusisë për Energjinë, Alexander Novak, njoftoi përmes medieve vendëse se nisja e cisternës së parë me karburant rus drejt Shteteve të Bashkuara do të bëhej ditën e enjte. I cituar nga agjencia e lajmeve RIA, Novak theksoi përkushtimin për zbatimin e ujdisë: “Sigurisht, do të vijnë ngarkesa shtesë. Të dy udhëheqësit arritën marrëveshje. Ne do t’i përmbushim nevojat e SHBA-së me sa më shumë që të jetë e mundur”.