Aksion i Policisë në Podujevë: Sekuestrohen drogë, armë zjarri dhe prangoset një i dyshuar

Një aksion i organeve të rendit në Podujevë ka rezultuar me arrestimin e një personi, pasi gjatë kontrollit të një objekti ku ndodhej i dyshuari, policia ka gjetur dhe sekuestruar lëndë narkotike, një armë zjarri si dhe pajisje të tjera ilegale. Sipas njoftimit zyrtar nga Policia e Kosovës, gjatë kontrollit të hollësishëm të këtij lokacioni janë zbuluar dhe konfiskuar 428 gramë substancë e dyshuar narkotike e llojit marihuanë, 0.3 gramë lëndë e dyshuar si kokainë, si dhe 18 cigare elektronike që përmbanin përbërës narkotik THC. Përveç lëndëve opiate, zyrtarët policorë kanë sekuestruar në vendngjarje edhe një armë zjarri të llojit pistoletë me dy fishekë, si dhe një peshore digjitale. Me vendim të prokurorit kujdestar, i dyshuari është dërguar në mbajtje, ndërsa organet kompetente po vazhdojnë hetimet për zbardhjen e plotë të këtij rasti.