Depërtimi i frontit të ftohtë: Ja si do të paraqitet moti këtë të premte

Gjatë orëve të para dhe në mëngjesin e ditës së premte, vendi ynë do të përfshihet nga kalimi i një fronti të ftohtë atmosferik. Ky sistem meteorologjik pritet të sjellë rrebeshe shiu në shkallë lokale, të cilat në disa zona do të shoqërohen edhe me shkarkesa rrufesh. Megjithatë, situata do të përmirësohet gjatë orëve a pasdites, kur vranësirat do të tërhiqen gradualisht në pjesën më të madhe të territorit. Sa i përket erës, ajo do të fryjë nga drejtime të ndryshme, ndërsa do të dominohet nga rrymat veriore. Gjatë kalimit të frontit të ftohtë, pritet që era të fuqizohet përkohësisht në disa zona, duke arritur shpejtësi mesatare prej 15 deri në 46 kilometra në orë. Temperaturat do të shënojnë rënie të ndjeshme në të dyja vlerat ekstreme. Termometrat në orët e mëngjesit do të zbresin nga 7 deri në 10 gradë Celsius, ndërkohë që temperaturat maksimale gjatë ditës do të luhaten ndërmjet 15 dhe 18 gradë Celsius.