Sfida ndaj Juventusit rrezikon mesfushorin kuqezi, situata alarmojë Leçen

Medon Berisha po vijon intensivisht fazën e përgatitjeve me skuadrën e Leçes, teksa ekipi po afron drejt sfidës së rëndësishme të mbrëmjes së së dielës kundër gjigantëve italianë të Juventusit. Megjithatë, talenti i mesfushës së Kombëtares shqiptare nuk ka mundur të bashkohet me pjesën tjetër të grupit gjatë seancës së fundit stërvitore, duke u detyruar të ndjekë një program të personalizuar rikuperimi në qendrën sportive të Martignanos. Gjatë ditës së djeshme, skuadra e drejtuar nga trajneri Eusebio Di Françesko ka zhvilluar një seancë stërvitore nën kushtet e motit me shi, e cila është fokusuar fillimisht te ushtrimet e forcës në palestër dhe në fushë, për t'u mbyllur më pas me lojëra taktike me tematikë të caktuar. Përveç situatës së Berishës, stafi mjekësor i Leçes është angazhuar edhe me dy lojtarët e tjerë, Kulibali dhe Iliç, të cilët gjithashtu po ndjekin seanca terapie në qendrën stërvitore për shkak të shqetësimeve të tyre. Autorët e klubit bëjnë me dije se mbetet për t’u parë nëse Berisha do të arrijë të bashkohet me grupin para ndeshjes me Juventusin, ndonëse një skenar i tillë duket tejet i vështirë për t'u realizuar, kryesisht për shkak të mungesës së gjatë në fusha. Ndërkohë, ekipi i Leçes do të vijojë seancat përgatitore gjatë pasdites së enjtes, sërish në kompleksin sportiv të Martignanos.