Kujdes: Këto zona dhe fshatra të Vushtrrisë mbesin nesër pa furnizim me energji elektrike

Për shkak të realizimit të punimeve të planifikuara në rrjet, banorët e disa fshatrave dhe rrugëve në komunën e Vushtrrisë do të përballen nesër, më 23 tetor, me ndërprerje të rrymës. Autoritetet kompetente kanë bërë të ditur se kufizimi i furnizimit do të shtrihet në periudhën kohore prej orës 10:00 deri në orën 15:30, ndërsa do të prekë drejtpërdrejt daljen 10 kV Martiraj që vjen nga nënstacioni Vushtrria 2. Në listën e zonave që do të mbesin përkohësisht pa energji elektrike përfshihen vendbanimet: Vesekovc, Tërllabuq, Studime e Ulët, Studime e Epërme, Studime, Skromë, Shilovicë, Sfaraqak i Epërm, Miraqë, Korollovë, Karaqë, Gumnisht, Gojbulë, Bozhlan dhe Begaj. Gjithashtu, ndërprerja do të prekë edhe disa rrugë dhe zona specifike, konkretisht rrugët “Xhevat Uka”, “Bekim Berisha–Abeja–Begaj”, Magjistralen, si dhe rrugët “Ismajl Qemajli”, “Gj. Kastrioti”, “Bahri Kuqi” dhe “Adnan Shyti”. Këto ndërhyrje në rrjet ndërmerren me qëllim të garantimit të sigurisë së sistemit elektroenergjetik. Ato përfshijnë veprime të rëndësishme të mirëmbajtjes preventive, largimin e defekteve ekzistuese, si dhe ndërhyrje të bazuara në të dhënat dhe gjetjet e siguruara përmes inspektimit të rrjetit me dron.