Mbështetje për Përparim Grudën: Ish-këshilltari i Thaçit i bën thirrje të bëhet gati për garë

Adil Bajrami, ish-këshilltari i ish-presidentit Hashim Thaçi, ka dalë në mbrojtje të hapur të deputetit të Partisë Demokratike të Kosovës (PDK), Përparim Gruda, lidhur me debatet rreth Ligjit për Gjykatën Speciale. Sipas Bajramit, ligjvënësi Gruda po ballafaqohet padrejtësisht me deklarata dhe presione të ndryshme. Për më tepër, ai i ka shprehur mbështetje të plotë Grudës në sfidën për udhëheqjen e PDK-së, pas largimit të Bedri Hamzës nga kryesia e partisë. Në reagimin e tij të plotë, Bajrami u shpreh: "Përparim Gruda, po më vjen keq që për arsyen se ne i dimë, po duhet t’i tolerojmë intrigat dhe konspiracionet që po ‘ziejnë’ rreth ligjit. Je vendosur padrejtësisht në këtë pozitë dhe të ka rënë hise të durosh lloj-lloj pallavrash. Por, mbaje kokën lart dhe ndjehu krenar! Edhe bëhu gati për garë!"