Përparim Rama: Xhevë dhe Fehmi Lladrovci sakrifikuan gjithçka për lirinë e Kosovës

Kryetari i Prishtinës, Përparim Rama, ka kushtuar një shkrim të veçantë ekspozitës “Një mur na ndan në mes”, e cila sjell në vëmendje jetën dhe veprën e heronjve Xhevë dhe Fehmi Lladrovci, duke evokuar ndjenjat e tyre të thella dhe përkushtimin sublime për lirinë e vendit. Nëpërmjet një reagimi publik, Rama ka vënë në dukje se korrespondenca e ndërruar mes çiftit ndër vite është dëshmi e një lidhjeje të fortë që bëri ballë sfidave të distancës, izolimit dhe ashpërsisë së qelisë së burgut. Kreu i kryeqytetit ka shtuar se kjo ekspozitë shërben si një kujtesë e fuqishme për vetëmohimin e tyre dhe për vitet e rinisë që mbetën të pashijuara së bashku, çmim ky i paguar për t'i mundësuar Kosovës që sot të jetojë e lirë.