Caktohet gjyqtari i superderbit Shkëndija – Vardari në Gostivar, ja ndarja e drejtësisë për javën e 11-të

Fundjava që vjen sjell ndeshjet e javës së 11-të në elitën e futbollit të Maqedonisë së Veriut, ku sfida do të zhvillohen nga e premtja deri të dielën. Sytë e sportdashësve do të jenë të drejtuar nga qyteti i Gostivarit, aty ku të shtunën, duke filluar nga ora 14:00, do të luhet superderbi i madh ndërmjet Shkëndijës dhe Vardarit. Drejtimi i këtij takimi delikat i është besuar gjyqtarit kryesor Stojançe Trpçevski. Për mbarëvajtjen e kësaj përballjeje, Trpçevski do të ndihmohet nga anësorët Aleksandar Gjurovski, Filip Ickovski dhe Aleksandar Vasilevski, ndërsa situatat kontestuese në dhomën e VAR-it do t'i monitorojnë Vllatko Iljoski dhe Boris Trajkov. Kalendari i plotë i ndeshjeve dhe gjyqtarët e deleguar për këtë xhiro: E premte Kratovë: Sileksi – Shkëndija e Haraçinës, ora 14:00. Gjyqtar: Done Ristovski E shtunë Strugë: Struga Trim Lum – Skopje, ora 12:00. Gjyqtar: Bllagojçe Ralevski Gostivar: Shkëndija – Vardari, ora 14:00. Gjyqtar: Stojançe Trpçevski E diel Gostivar: Arsimi – Bregallnica, ora 12:00. Gjyqtar: Benjamin Kerimi Kavadar: Tikveshi – Bashkimi, ora 14:00.