Në Kuvend votohen nesër draft-deklaratat për Hagën, Ymeri ngre alarmin për mungesë dialogu me protestuesit

Deputetja e Lidhjes Demokratike të Kosovës, Janina Ymeri, ka njoftuar se ditën e nesërme në Kuvendin e Kosovës do të hidhen në votim rezolutat lidhur me çështjen e Hagës. Përmes një postimi të shpërndarë në rrjetin social Facebook, Ymeri ka saktësuar se bëhet fjalë për dy projekt-deklarata të ndryshme: njëra e propozuar nga Partia Demokratike e Kosovës (PDK) dhe tjetra nga Lëvizja Vetëvendosje. Ajo ka vënë inkurs në faktin se këto dokumente po finalizohen në të njëjtën kohë kur po zhvillohen protesta në mbrojtje të ish-krerëve të Ushtrisë Çlirimtare të Kosovës (UÇK). Sipas saj, shqetësuese është se kërkesat e qytetarëve protestues nuk janë përfshirë dhe nuk pasqyrohen në tekstet që pritet të miratohen. “Çështja është se nuk është hapur asnjë bisedë apo debat me protestuesit për të parë se çfarë mund të bëjë Kuvendi para se të vijnë në rend dite për votim dy qëndrime, ndonëse nga përfaqësues të popullit në Kuvend”, ka shkruar Ymeri në reagimin e saj.