Barella pas triumfit ndaj Shakhtar: Na duhej me çdo kusht ky rezultat pozitiv

“Nuk mund ta them me siguri nëse fitorja ishte plotësisht e merituar, megjithatë ne shpenzuam çdo energji në fushë për të arritur qëllimin tonë”. Këto ishin fjalët e mesfushorit Nicolò Barella, pas triumfit të parë të Interit në edicionin aktual të Ligës së Kampionëve, të arritur përballë ukrainasve të Shakhtar Donetsk. “Bukuria e lojës ka rëndësinë e vet, por mbrëmjen e djeshme na interesonte vetëm marrja e rezultatit me çdo kusht”, u shpreh ndër të tjera lojtari në një prononcim për ‘Sky Sport’. “Ndodheshim në një pozitë tejet të vështirë dhe ishim të detyruar të reagonim. Liga e Kampionëve mbetet një ëndërr e madhe për ne”. “Tani do të bëjmë çmos që këtë ëndërr ta shndërrojmë në një objektiv konkret”, përfundoi Barella.