Magjia e talentit kuqezi në UEFA Youth League, sytë e shtëpisë evropiane të futbollit te sulmuesi shqiptar

Ekipi i të rinjve të Interit, Inter U19, ka regjistruar një fitore të pastër me rezultatin 2:0 përballë bashkëmoshatarëve të Shakhtar Donetsk U19. Megjithatë, momenti që ka dominuar gjithë vëmendjen në këtë sfidë të vlefshme për UEFA Youth League ka qenë eurogoli i shënuar nga sulmuesi i Kombëtares së Shqipërisë U19. Përfaqësuesi i talentuar kuqezi ka realizuar një supergol me një goditje nga një distancë e konsiderueshme, duke u dhënë epërsinë zikaltërve në sekondat e fundit të pjesës së parë, konkretisht në minutën e 45+1’. Ky finalizim spektakolar nuk ka kaluar pa u vënë re nga faqja zyrtare e UEFA Youth League, kompeticionit prestigjioz të organizuar nga shtëpia evropiane e futbollit, i njohur gjerësisht si Liga e Kampionëve për grupmoshat e reja. Nëpërmjet një postimi në rrjetet sociale, institucioni evropian i futbollit ka vepruar këtë perlë, duke shkruar: “Për atë golin e Alen Vukajt...” dhe shoqëruar me pamjet e momentit magjik. Alen Vukaj, i cili është vetëm 18 vjeç dhe luan natyrshëm si sulmues i majtë, ka nisur rrugëtimin e tij futbollistik pikërisht në radhët e akademisë së Interit. Ai vijon të zhvillohet atje, duke shfaqur premisa të jashtëzakonshme për një të ardhme të ndritur në skenën ndërkombëtare.