Bashkëpunimi për sigurinë: E ngarkuara me punë e SHBA-së pret në takim komandantin e ri të KFOR-it

E ngarkuara me punë në ambasadën e Shteteve të Bashkuara të Amerikës në Kosovë, Wylita Bell, ka zhvilluar një takim zyrtar me komandantin e sapoemëruar të misionit të KFOR-it, gjeneralmajorin Roberto Vergori. Nëpërmjet një njoftimi zyrtar, diplomacia amerikane ka riafirmuar mbështetjen e palëkundur ndaj trupave paqeruajtëse të NATO-s në vend. Gjatë këtij takimi, palët vunë në dukje peshën e madhe që ka ruajtja e paqes dhe e qetësisë si në Kosovë, ashtu edhe në mbarë rajonin. U theksua se Uashingtoni mbetet plotësisht i angazhuar në mbështetjen e misionit të KFOR-it për të garantuar një mjedis të sigurt dhe të qëndrueshëm. Kujtojmë se gjenerali nga Italia ka marrë zyrtarisht drejtimin e forcave të KFOR-it gjatë këtij muaji, duke pasuar në këtë detyrë gjeneralin turk Ozkan Ulutas.