Mbështetje masive në Norvegji: Diaspora shqiptare në Oslo proteston kundër vendimeve ndaj ish-krerëve të UÇK-së

Komuniteti shqiptar në Norvegji është organizuar në një tubim masiv në kryeqytetin Oslo, duke u mbledhur nga ora 13:00 në sheshin “Eidsvolls Plass”. Qëllimi i kësaj proteste ishte kundërshtimi i hapur i aktgjykimeve dhe vendimeve dënuese ndaj ish-udhëheqësve të Ushtrisë Çlirimtare të Kosovës. Pamjet dhe atmosferë nga kjo ngjarje janë bërë publike përmes platformës “Liria ka Emër”, ku shihet qartë numri i lartë i qytetarëve të bashkuar në mbrojtje të vlerave të luftës çlirimtare. Përveç pranisë së madhe të bashkatdhetarëve në këtë tubim paqësor, në pamjet e publikuara spikat edhe entuziazmi patriotik, ku jehojnë vargjet e këngës së njohur: "Për Kosovën jap dy jetë, vdekjen time e vras vet".