Mbështetje masive për ish-krerët e UÇK-së: Diaspora kuqezi dridh Gjenevën me këngë e simbole kombëtare

Valumaji i protestave në mbrojtje të ish-drejtuesve të Ushtrisë Çlirimtare të Kosovës është shtrirë edhe në Zvicër, ku qindra bashkatdhetarë janë bashkuar në një tubim madhështor në qytetin e Gjenevës. Sheshi është mbushur me simbole kombëtare, ndërkohë që protestuesit mbajnë në duar flamuj kuqezi, ato të Kosovës dhe emblemën e UÇK-së. Atmosfera është shoqëruar vazhdimisht me ritmet e këngëve patriotike, të cilat jehojnë në mbështetje të figurave historike të luftës. Ky organizim bën pjesë në valën e tubimeve solidarizuese që po ndërmerren nga shqiptarët në diasorë, si reagim ndaj vendimeve të fundit dhe zhvillimeve gjyqësore në Gjykatën Speciale në Hagë ndaj ish-krerëve të UÇK-së.