Mungesë e madhe te Bayerni: Kimmich jashtë skuadrës ndaj Arsenalit për arsye familjare

Joshua Kimmich do të mungojë për Bayern Munihun në sfidën e sotme kundër Arsenalit, pasi futbollisti është përballur me një humbje tragjike në rrethin e tij familjar të ngushtë. Këtë mungesë të rëndësishme e ka bërë të ditur vetë gjiganti bavarez përmes një njoftimi zyrtar për mediat, ku gjithashtu ka bërë thirrje që të ruhet privatësia e lojtarit dhe e familjes së tij përgjatë kësaj periudhe sfiduese. “Ne kërkojmë që privatësia dhe zija e tij të respektohen dhe të mos bëhen pyetje apo raportime të mëtejshme për këtë çështje”, theksohet shprehimisht në komunikatën e lëshuar nga klubi i Bayernit. Drejtuesit dhe stafi i klubit gjerman i kanë dërguar njëkohësisht ngushëllimet më të thelba Joshua Kimmichit dhe të gjithë pjesëtarëve të tjerë të familjes së tij për këtë humbje.