Seanca për 59 të arrestuarit e protestave në Tiranë, prindërit dynden para gjykatës në kërkim të informacioneve

Gjykata e Shkallës së Parë në Tiranë pritet të shqyrtojë gjatë ditës së sotme masat e sigurisë për 59 protestues të ndaluar nga Policia gjatë zhvillimeve të fundit në vend. Ndërkohë, mungesa e një liste zyrtare me emrat e personave që do të dalin para trupës gjykuese ka shkaktuar paqartësi dhe shqetësim të madh te familjarët. Për këtë arsye, dhjetëra prindër janë mbledhur në ambientet jashtë gjykatës për të mësuar fatin dhe gjendjen e fëmijëve të tyre. Sipas informacioneve në terren, vetëm gjatë mbrëmjes së djeshme janë shoqëruar edhe 17 persona të tjerë. Pjesë e tyre pritet t'i nënshtrohen procedurave të mëtejshme ligjore pasi materialet kallëzuese të jenë dorëzuar zyrtarisht në Prokurori.