Kritika të ashpra ndaj kryeministrit: Publicisti Mialim Nela pretendon se Edi Rama ka nevojë për mjek specialist

Ftesa më e fundit e kryeministrit Edi Rama për dialog ka nxitur reagime të ashpra në opinionin publik. Publicisti Mialim Nela ka reaguar prerë ndaj daljes më të fundit të kreut të qeverisë, i cili u shfaq sërish me karrige. Përmes një deklarate publike, Nela ka ngritur pikëpyetje të forta mbi gjendjen psiko-emocionale të kryeministrit, duke vlerësuar se ai ka nevojë urgjente për ndihmën e një mjeku specialist. “Që nuk është mirë është e dukshme! Mjekët psikiatër e dallojnë shumë lehtë, por edhe ata që nuk janë të fushës. Ky nuk e kupton as veten e as çfarë ndodh rreth tij”, ka deklaruar Nela, duke e cilësuar këtë gjendje në gjuhën angleze si “lack of insight”. Publicisti ka vijuar më tej me pretendimet e tij, duke theksuar se këto janë tregues të çrregullimeve më serioze të shëndetit mendor. Ai ka ngritur pyetjen retorike se me pushtetin që gëzon kryeministri, a ka ndonjë person të afërt që e ka guximin t'i sugjerojë vizitën te specialisti, duke shtuar se kolegët e tij nga fusha e psikiatrisë e kuptojnë qartë peshën e kësaj situate.