Muçi e detyroi të ndryshonte mendje: Federata turke surprizon Europën dhe zyrtarizon trajnerin e ri

Pavarësisht aludimeve për emra të njohur që mund të merrnin drejtimin e Kombëtares së Turqisë, drejtuesit e federatës kanë marrë një vendim të papritur që ka bërë bujë në të gjithë kontinentin e vjetër. Institucioni i futbollit turk ka zyrtarizuar emërimin e Sergen Yalçin në krye të stafit teknik, duke i besuar atij një kontratë katërvjeçare për të udhëhequr skuadrën. 53-vjeçari nuk spikat për një histori të pasur trofesh ndërkombëtare gjatë karrierës së tij. Gjatë 13 viteve si trajner profesionist, Yalçin numëron vetëm një titull kampion dhe një Kupë të Turqisë, të dyja të fituara në krye të Besiktasit gjatë edicionit 2020–2021. Megjithatë, më shumë se sa për sukseset e arritura në stol, emri i tij është lakuar fuqishëm në media për shkak të qëndrimeve të hapura dhe skeptike ndaj sulmuesit të Kombëtares shqiptare, Ernest Muçi. Edhe pse trajneri ka minimizuar herë pas here cilësitë e sulmuesit kuqezi, ishte pikërisht pogradecari ai që e bëri të vuajë në fushë më 9 maj 2026. Muçi shënoi golin e fitores në triumfin 2-1 të Trabzonsporit ndaj Besiktasit, duke heshtur rreth 43 mijë tifozë të pranishëm në stadiumin e Stambollit.