Dhunë në një kopsht në Fier: Edukatorja dyshohet se keqtrajtoi 4-vjeçarin, nëna reagon duke e rrahur

Një ngjarje e rëndë ka ndodhur në një kopsht publik në qytetin e Fierit, ku një edukatore dhe nëna e një fëmije janë vënë nën hetim nga autoritetet policore, pas një përplasjeje fizike mes tyre. Sipas informacioneve zyrtare nga Policia, specialistët e Seksionit për Hetimin e Krimeve në Komisariatin e Fierit kanë nisur procedimin penal në gjendje të lirë për shtetaset E. P., 44 vjeçe, me detyrë edukatore, dhe E. L., 29 vjeçe, të dyja banuese në këtë qytet. Të dhënat e para të hetimeve tregojnë se ngjarja ka nisur pasi 44-vjeçarja dyshohet se ka keqtrajtuar brenda ambienteve të institucionit parashkollor djalin 4-vjeçar të 29-vjeçares. Pas këtij veprimi, situata ka eskaluar kur nëna e miturve ka ndërhyrë dhe dyshohet se ka përdorur dhunë fizike ndaj edukatores, duke sjellë përfshirjen e të dyja grave në këtë konflikt.