Talenti shqiptar, Enis Rexhepi, tund rrjetën në Ligën e Kampionëve për grupmoshat U-19

Futbollisti i talentuar shqiptar, Enis Rexhepi, ka lënë gjurmë në përballjen evropiane të skuadrës së tij, duke realizuar një gol nga pika e bardhë e penalltisë në minutën e 19-të për ekipin U-19 të Stuttgartit. Përballja e vlefshme për UEFA Champions League për grupmoshat e reja, e cila po zhvillohet me ritëm të lartë, e ka gjetur pjesën e parë të mbyllur me epërsinë e mysafirëve, ku skuadra e Atletico Madrid U-19 po udhëheq me rezultatin 1:2. Për spanjollët, protagonist absolut në këtë fraksion loje është bërë sulmuesi Obama Mangue, i cili ka gjetur rrugën e rrjetës dy herë, respektivisht në minutën e 16-të dhe atë të 28-të. Vlen të theksohet se spanjollët kishin mundësinë e artë për të kaluar në avantazh edhe më herët, saktësisht në minutën e 10-të, por dështuan të tregohen të saktë nga ekzekutimi i një penalltie.