Ish-sulmuesi i njohur, dikur krah Milot Rashicës, i jep fund karrierës në moshën 36-vjeçare

Sulmuesi finlandez Teemu Pukki ka marrë vendimin përfundimtar për t'i dhënë fund rrugëtimit të tij në futbollin profesionist gjatë kësaj vjeshte, në moshën 36-vjeçare. Reprezentuesi i Finlandës, i cili mban epitetin e golashënuesit më produktiv në histori të kombëtares së tij, ka edhe katër takime të mbetura para se të tërhiqet zyrtarisht nga fjelat e gjelbra me përfundimin e këtij sezoni. "Është koha t’i them lamtumirë futbollit profesionist pas këtij sezoni. Kam edhe katër ndeshje të mbetura në karrierën time dhe dua t’i fitoj ato", ka deklaruar Pukki. Ndarja përfundimtare me mbështetësit do të ndodhë ndërsa ai do të mbajë veshur fanellën e HJK Helsinkit, në përballjen e fundit të edicionit në elitën e futbollit finlandez kundër AC Oulu, e cila është parashikuar të luhet më 8 nëntor. Vlen të theksohet se gjatë karrierës së tij, sulmuesi ka ndarë fushën si bashkëlojtar me yllin kosovar Milot Rashica gjatë periudhës kur luanin për skuadrën angleze Norwich City. Gjithashtu, finlandezi ka pasur lidhje të afërta edhe me vendin tonë, pasi ka vizituar Kosovën për shkak se motra e tij është martuar me një shqiptar.