Vala e protestave në Tiranë, flet deputeti i Bundestagut Knut Abraham: Kërkesat e qytetarëve pasqyrojnë vlerat evropiane

Zhvillimet e fundit dhe protestat e organizuara nga të rinjtë në kryeqytetin shqiptar kanë tërhequr vëmendjen e ndërkombëtarëve. Deputeti i Parlamentit Federal Gjerman (Bundestag), Knut Abraham, ka bërë një reagim zyrtar, ku ka shprehur shqetësimin e tij për ngjarjet në fjalë dhe ka vënë në pah thirrjet e qytetarëve për drejtësi dhe integritet. Përmes një prononcimi publik, ligjvënësi gjerman bëri të ditur se i ka përcjellë me vëmendje dhe shqetësim zhvillimet në Tiranë. Sipas tij, revoltë popullore dhe kërkesat e ngritura për ndalimin e korrupsionit, shembjen e mbrojtjes politike dhe shkëputjen e lidhjeve mes krimit të organizuar dhe strukturave shtetërore janë parime thelbësore të Bashkimit Evropian, të cilat Tirana zyrtare ka marrë përsipër t'i përmbushë. Më poshtë po përcjellim mesazhin e plotë të deputetit të Bundestagut, Knut Abraham: “I kam ndjekur me shqetësim të thellë protestat në Tiranë. Qytetarët kërkojnë t’i jepet fund korrupsionit, mbrojtjes politike dhe lidhjeve mes krimit të organizuar dhe politikës. Këto kërkesa pasqyrojnë vlerat evropiane që Shqipëria është angazhuar të respektojë.”