“Policia është shndërruar në gardë të piktorit”, Kim Mehmeti lëshon akuza të forta ndaj Edi Ramës

Publicisti i njohur shqiptar, Kim Mehmeti, ka hedhur akuza të rënda në drejtim të kryeministrit të Shqipërisë, Edi Rama, dhe strukturave shtetërore, përmes një reagimi të publikuar në llogarinë e tij në rrjetet sociale. Mehmeti ka vënë në shënjestër mënyrën se a po sillet policia me protestuesit në kryeqytet, ndërkohë që e ka fajësuar shefin e ekzekutivit për kapjen e mediave, degradimin e opozitës dhe marginalizimin e zërit të intelektualëve. Sipas publicistit, dobësia e opozitës dhe heshtja e shtresës intelektuale kanë shërbyer si shtyllë mbështetëse për konsolidimin e pushtetit të kryeministrit, të cilin ai e quan vazhdimisht me termin “Piktori”. Në mesazhin e tij të fortë, Mehmeti shkruan: “Policia u bë truprojë e piktorit, ajo prej moti nuk i shërben Shqipërisë!”, duke shtuar se kreu i qeverisë ka arritur të ketë nën kontroll mediat dhe analistët e ashtuquajtur të pavarur. Ai gjithashtu ka kritikuar figurat e deritanishme opozitare, duke pretenduar se pasurimi i tyre përmes thirrjeve formale nuk ka bërë gjë tjetër veçse i ka dhënë më shumë fuqi qeverisë. Në përfundim të reagimit të tij, publicisti parashikon një fund të pashmangshëm dhe të turpshëm politik për kryeministrin, duke theksuar se ai do të mbetet përgjithmonë me damkën e tradhtisë ndaj interesave të qytetarëve shqiptarë.