Hetimet për tenderat, ish-zëvendëskryeministrja Belinda Balluku paraqitet në SPAK

Ish-zëvendëskryeministrja e Shqipërisë, Belinda Balluku, është parë këtë të martë teksa ka hyrë në ambientet e Prokurorisë së Posaçme kundër Korrupsionit dhe Krimit të Organizuar (SPAK). Aktualisht, autoritetet nuk kanë bërë publike detaje shtesë mbi arsyen e kësaj vizite, ndërsa mbetet e paqartë nëse ajo është thirrur në cilësinë e personit që ka dijeni apo për t'u marrë në pyetje nga hetuesit e posaçëm. Kujtojmë se emri i Ballukut ka kohë që ndodhet në fokus të opinionit publik, pas nisjes së hetimeve nga ana e SPAK-ut ndaj saj për çështje që lidhen me detyrat funksionale. Redaksia jonë do të ndjekë nga afër zhvillimet rreth kësaj çështjeje dhe do t'ju mbajë të informuar për çdo risi apo njoftim zyrtar nga organet e drejtësisë.