Inovacion në mbrojtje: Australia zbulon armatimin e fshehtë për dronin e avancuar nënujor

Australia ka bërë publike tri pajisje të klasifikuara që do të integrohen në bordin e dronit nënujor autonom “Ghost Shark”, duke përfshirë mina detare, njësi furnizimi logjistik dhe mjete ajrore pa pilot të afta për sulm. Ministri australian i Industrisë së Mbrojtjes, Pat Conroy, theksoi se këto sisteme të sofistikuara do të rrisin ndjeshëm gamën e operacioneve dhe do të konsolidojnë epërsinë e vendit në luftën nënujore. Sistemi “Ghost Shark” do të ketë kapacitetin për të pozicionuar mina detare dhe për të mbajtur ngarkesa logjistike të dizajnuara nga Grupi i Shkencës dhe Teknologjisë së Mbrojtjes në Australi. Këto risi teknologjike janë projektuar me qëllim që t'u japin mbështetje logjistike dhe taktike operacioneve të mundshme të forcave speciale. Gjithashtu, ky mjet autonom do të mund të dislokojë dronë ajrorë të tipit Altius, të cilët shërbejnë për misione të zbulimit, vëzhgimit, grumbullimit të të dhënave dhe ekzekutimin e sulmeve.