Tronditet Ishull-Lezha në mesnatë: Lëndë plasëse shprthen në një magazinë

Një ngjarje e rëndë është shënuar gjatë orëve të vona të natës në zonën e Ishull-Lezhës, ku një sasi lënde plasëse ka tronditur banorët përreth. Sipas të dhënave paraprake nga organet kompetente, eksplozivi është vendosur dhe ka shpërthyer pranë një magazine që shërbente për ruajtjen e materialeve shtëpiake. Si pasojë e fuqisë së shpërthimit, janë shkaktuar dëme materiale, kryesisht në strukturën e çatisë dhe mbulesën prej llamarine të objektit. Fatmirësisht, nga kjo ngjarje nuk raportohen persona të lënduar, ndërsa situata është vënë nën kontroll nga autoritetet. Grupi hetimor ndodhet në terren dhe po punon intensivisht për të zbardhur rrethanat e plota të ngjarjes, si dhe për të përcaktuar motivet dhe autorët e këtij akti.