Bonus prej 2500 eurosh për policët, Grida Duma përplaset me Blendi Klosin në studio: Për t'i goditur qytetarët?

Vendimi i qeverisë për të shpërblyer me nga 2500 euro efektivët e policisë të angazhuar në vijën e parë të protestave është bërë mollë thelbi e një debati të ashpër gjatë emisionit të mbrëmjes. Moderatorja ka sjellë në vëmendje këtë vendim financiar, duke e shoqëruar me një pyetje të drejtpërdrejtë drejtuar Sekretarit të Përgjithshëm të Partisë Socialiste. “2500 euro shpërblim për policët për të gjuajtur qytetarët?”, ishte pyetja provokuese e drejtueses së emisionit drejtuar Blendi Klosit. Nga ana e tij, zyrtar i lartë socialist ka refuzuar këtë narrativë, duke theksuar se fondi nuk është dhënë për dhunë, por për mbrojtjen e qytetarëve, duke sjellë si referencë edhe praktikat e ngjashme të vendeve evropiane si Franca, Italia, Belgjika apo Portugalia. Debati ka vijuar me tone të larta, ku moderatore dhe i ftuar kanë përplasur argumentet lidhur me rolin e policisë gjatë tubimeve. Ndërsa ajo këmbëngulte se shpërblimi i lartë erdhi pas dhunës ndaj të rinjve dhe studentëve, Klosi e ka kundërshtuar me forcë, duke argumentuar se efektivët meritonin mbështetje për ruajtjen e rendit, bizneseve, godinave dhe institucioneve. Përballë këtij qëndrimi, drejtuesja e emisionit ka sjellë në vëmendje dëmet materiale të shkaktuara, duke ngritur pyetjen se përse fondet nuk iu jenë paraprakisht bizneseve për t'u mbrojtur. Ajo e ka mbyllur replikën duke theksuar se qeveria po akordon 2500 euro për efektivët vetëm pasi bizneset janë rrënuar dhe mbyllur nga dëmet e pësuara.