Klosi i sigurt: Edi Rama do të triumfojë edhe në dy palë zgjedhje të ardhshme

Sekretari i Përgjithshëm i Partisë Socialiste, Blendi Klosi, i ftuar në emisionin “Top Story”, ka folur mbi të ardhmen politike të kryeministrit Edi G. Rama dhe drejtimin e forcës më të madhe politike në vend gjatë viteve në vijim. I pyetur nëse kreu aktual i qeverisë mbetet alternativa e vetme për socialistët, Klosi u shpreh se përzgjedhja e kryetarit është një çështje që i takon ekskluzivisht strukturave të Partisë Socialiste. Ai gjithashtu shfaqi bindje të plotë se Rama do të korrë fitore në zgjedhjet e vitit 2027, ashtu edhe në ato të vitit 2029. “PS-ja ka PS-në në qeverisje. Kë zgjedhim ne kryetar, është përgjegjësia jonë. Edi Rama ka drejtuar PS-në dhe ai do t’i fitojë zgjedhjet dhe në 2027-ën dhe në 2029-ën. Ne zgjedhim liderin tonë”, u shpreh ndër të tjera Klosi.