Tensionet në Tiranë: Lëndohen tre persona gjatë tubimit, mes tyre një i mitur dhe një gazetar

Përleshjet dhe zhvillimet e ditës së sotme në protestën e organizuar në kryeqytet kanë lënë pas disa persona të lënduar, të cilët kanë kërkuar ndihmë mjekësore në institucionet shëndetësore të vendit. Sipas të dhënave zyrtare nga Ministria e Shëndetësisë, gjatë ditës së sotme në Spitalin Universitar të Traumës janë paraqitur për ndihmë mjekësore katër kalimtarë. Ndërkaq, në Qendrën Spitalore Universitare “Nënë Tereza” kanë marrë trajtim të nevojshëm një efektiv policie, një protestues i mitur dhe një punonjës i mediave. Autoritetet shëndetësore bëjnë me dije se të gjithë të lënduarit aktualisht ndodhen në gjendje të qëndrueshme shëndetësore. Me incidentet e regjistruara sot, numri i përgjithshëm i personave të lënduar që nga data 13 tetor ka arritur në kuotën e 310 të dëmtuarve.