Tragjedi në Kharkiv: Gjashtë viktima, mes tyre tre fëmijë, nga një sulm me dron në park

Gjashtë persona, përfshirë tre të mitur, kanë ndërruar jetë si pasojë e një sulmi shkatërrues me dron që ka goditur rajonin e Kharkivit në Ukrainë. Lajmi i rëndë është bërë i ditur zyrtarisht nga guvernatori rajonal, Oleh Syniehubov, i cili ka saktësuar se përveç viktimave, nga ky agresion kanë mbetur të plagosur edhe 15 persona të tjerë. Ngjarja tragjike ndodhi në një hapësirë publike rekreative brenda një fshati të këtij rajoni, në momentin kur familjet po shijonin kohën e lirë në shoqërinë e fëmijëve të tyre. Numri i viktimave u rrit ndjeshëm pas të dhënave të para nga terreni, të cilat fillimisht raportonin vetëm për humbjen e jetës së dy grave dhe një foshnjeje.